Trupi I pajetë I pilotit fatkeq të avionit ushtarak të rrëzuar të djelën në Mitsikeli të Janinës është gjetur vetëm tani. 32 vjecari, që sipas mediave vendase ishte me origjinë nga Iraku, ishte duke kryer një fluturim stërvitor. Pak pas ngritjes në ajër nga Kozani, mbërriti dhe sinjali I fundit prej tij. piloti I ri duket se kishte humbur kontrollin e mjetit për shkak të mjegullës së dendur në zonë. Kjo ka bërë që avioni I tij të përplaset në shpatet e malit atje. Dëmtimet që I riu ka pësuar, kanë qenë shumë të mëdha. Një helikopter tjetër pritet të shkojë tani në zonë për të tërhequr trupin e të 32 vjevarit të identifikuar si Amar Ibrahim. Ai është një nga rreth 100 pilotët praktikantë nga Iraku që aktualisht jetojnë në qytetin e Kozanit dhe e kishte realizuar fluturimin e tij të parë pa pasagjerë në 28 korrik 2020.