Pritet që iPhone i fundit i Apple të duket më i hollë në debutimin e tij gjatë ditës. Kompania ka planifikuar të zbulojë iPhone-in e saj më të hollë deri më tani në ekspozitën e saj të përvitshme të produkteve. Eventi mbahet në selinë e saj në Cupertino, në Teatrin Steve Jobs. Gama e iPhone 17 e Apple pritet të përfshijë edicionet standarde, Pro dhe Pro Max, së bashku me një rishtar në familje, iPhone Air. Ky edicion i ri është pagëzuar si aparati më i lehtë i Apple deri më sot në linjën e laptopëve të hollë MacBook, kanë parashikuar vëzhguesit. Përveç telefonave, Apple planifikon të zbulojë serinë 11 të Apple Ëatch dhe një përditësim për kufjet e saj AirPods. Zërat thonë se AirPods mund të vijnë me përkthim të drejtpërdrejtë, gjë që do ta ngrinte Apple-in në një nivel me konkurrentin e saj Google, që e shtoi këtë funksion përkthimi në kufjet e tij Pixel Buds vite më parë. Apple pritet gjithashtu të zbulojë edhe datën e lançimit për sistemet e saj operative për celularë dhe desktopë, iOS 26 dhe macOS Tahoe.