Presidenti i Polonisë, Karol Naërocki deklaroi se presidenti rus, Vladimir Putin paraqet rrezik për pushtimin e vendeve të tjera pas nisjes së luftës në Ukrainë. “Ne nuk u besojmë qëllimeve të mira të Vladimir Putinit”, tha Naërocki gjatë një konference të përbashkët për media me homologun finlandez, Alexander Stubb, në Helsinki. Polonia dhe Finlanda, të cilat ndajnë kufi me Rusinë dhe janë anëtare të NATO-s, ndihen të kërcënuara nga agresioni rus. “Derisa presim për paqe afatgjatë, paqe të përhershme, që është e nevojshme për rajonet tona, ne besojmë se Putini po ashtu është i gatshëm të pushtojë shtete të tjera”, shtoi presidenti polak, duke theksuar se Varshava po forcon ushtrinë dhe aleancat e saj, pa dhënë detaje për hapa të veçantë. Ai vlerësoi se “arkitektura e sigurisë” në rajon ka ndryshuar dhe se presidenti amerikan, Donald Trump, është “i vetmi udhëheqës i botës së lirë” që mund ta detyrojë Putinin të ulet në tryezën e negociatave. Javën e kaluar, Trump u shpreh i gatshëm të dërgojë më shumë trupa në Poloni, gjatë takimit me Naërockin në Shtëpinë e Bardhë.