Pushuesit që kishin zënë vend në një avion të Ryanair në Britaninë e Madhe kanë parë me tmerr sesi zyrtarë me veshje mbrojtëse tërhoqën zvarrë prej andej një pasagjer i cili kishte zënë vend edhe pse në telefon i kishte mbërritur mesazhi se kishte rezultuar pozitiv për koronavirusin. Pasagjeri problematik dhe shoqëruesja e tij u nxorrën nga avioni disa minuta përpara se ai të ngrihej në ajër nga Londra dhe u dërguan në një zonë të izoluar të aeroportit, ku I prisnin autoritetet shëndetësore. Poltronat e tyre dhe kabina u dezinfektuan përpara se avionit t`I lejohej fluturimi drejt Pizës në Itali. “ Të dy personat në fjalë mbanin maska dhe u ulën për shumë pak kohë përpara se të nxirreshin nga mjeti. Ata qëndruan në kabinë për më pak se dhjetë minuta”, thuhet në një deklaratë të zyrtarëve vendas. Në Angli, numri i rasteve të përjavshme më Covid 19 ka rënë për të parën herë që prej muajit korrik, dhe ndonëse ka shenja se ky trend do të vazhdojë, shqetësimet nga përhapja e sëmundjes, mbeten të mëdha dhe autoritetet nuk po e ulin vigjilencën. Mbretëria e Bashkuar shënon mbi 41 mijw vdekje nga koronavirusi dhe 330 mijë infektime.