Një aksident I rëndë është regjistruar rreth 5 minuta pas mesnatës, të mërkurën afër Irsshenbergut në Gjermani. Një autobus nga Kosova, ku udhëtonin 50 pasagjerë, është përplasur me një kamion. Sipas hetuesve, autobusi u përplas me pjesën e pasme të një kamioni të drejtuar nga një polak 46-vjeçar, I cili ishte I ngarkuar me perime, dhe se një pjesë e ngarkesës u shpërndanë në rrugë. Për ketë arsye, autoritetet detyruan të mbyllnin autostradën A8. Sipas medias gjermane Bild, 30 nga pasagjerët që po udhëtonin nga Kosova, u plagosën. Ndërsa gjashtë prej tyre aq rëndë saqë u desh të transportoheshin në spital, ndërsa u vendos në dispozicion edhe një helikopter shpëtimi. Ata me lëndime të lehta u trajtuan në stacionin e pajisjeve të Departamentit të Zjarrfikësve të Irsshenbergut. Për zhvendosjen e udhëtarëve, u organizua një autobus zëvendësues për pasagjerë, ndërsa trafiku Mynihut u detyrua të devijohej. Sakaq, kompania e autobusit nga Kosova, shprehet se nga aksidenti u lënduan tre persona.