Një kroat ka thyer rekordin e tij botëror për mbajtjen e frymës nën ujë pasi qëndroi i zhytur për gati gjysmë ore. Budimir Buda Šobat, 54 vjeç, ishte tashmë mbajtësi i Rekordit Botëror Guinness, por gjatë fundjavës ai arriti të thyejë rekordin e tij, duke vendosur një kohë të ri prej 24 minutash dhe 33 sekonda. Rekordi u vendos në një pishinë në Sisak, ku Sobat ishte nën mbikëqyrjen e doktorëve, gazetarëve dhe fansave të tij. Kroati ka vite që stërvit trupin për të pompuar gjak të oksigjenuar në trup dhe sidomos në tru, në mënyrë më të ngadaltë. Gjithashtu, për të vendosur këtë rekord, kroati thithi oksigjen të pastër disa minuta përpara tentativës së tij. Pavarësisht nga rreziqet e rekordit botëror, Šobat tha se ishte frymëzuar për të thyer rekordin e tij nga vajza e tij Saša, 20 vjeç, e cila ka paralizë cerebrale, autizëm dhe epilepsi. Përpjekja për thyerjen e rekordit të Šobat u krye gjithashtu me shpresën e mbledhjes së fondeve për ndërimin e një ambienti për personat me aftësi të kufizuara, e cila ishte shkatërruar nga një tërmet vitin e kaluar.