Australianët mbajtën një minutë heshtje nën dritën e qirinjve të dielën për të nderuar viktimat e të shtënave në plazhin Bondi, duke shënuar një javë që kur persona të armatosur hapën zjarr mbi turmën në një festival hebre. Një baba dhe bir akuzohen se kanë shënjestruar festën hebreje në bregdet, duke vrarë 15 persona në të shtënat masive më vdekjeprurëse në vend në pothuajse tre dekada. Nga baret e zhurmshme të qytetit deri te qytetet e qeta rurale, Australia mbajti një minutë heshtje në orën 6:47 pasdite, saktësisht një javë pas ngjarjes tronditëse. Njerëzit ndezën qirinj në dritaret e shtëpive, flamujt u ulën në gjysmështizë në të gjithë vendin, përfshirë edhe mbi urën e famshme të portit të Sidneit. Por ndërsa nderoheshin viktimat pati edhe një demonstrim zemërimi për shkak të dështimit të perceptuar të qeverisë për të vepruar me shpejtësi dhe forcë të mjaftueshme pas një rritjeje të incidenteve antisemite në Australi. Disa madje fërshëllyen kur u njoftua prania e Kryeministrit Anthony Albanese. Ky i fundit, nuk foli në këtë ngjarje.