Një fluturim provë i që u 'shkatërrua' më pak se dhjetë minuta pas nisjes në janar vuri në rrezik serioz disa avionë pasagjerësh ndërsa fluturonin mbi Karaibe. Fluturimi i shtatë provë pa ekuipazh i Starship ishte përpjekja e fundit e CEO-së Elon Musk për ta bërë jetën në Mars realitet dhe u zhvillua disa ditë para se ai të merrte përsipër drejtimin e Departamentit të Efikasitetit të Qeverisë në Shtëpinë e Bardhë të Presidentit Donald Trump. Dokumentet e Administratës Federale të Aviacionit tani tregojnë rrezikun në të cilin shpërthimi vuri tre fluturime atë mbrëmje, duke përfshirë një udhëtim të JetBlue në San Juan. Këto rreziqe përfshinin shpërndarjen e mundshme të mbeturinave nga qielli nëpër Karaibe për gati një orë. Një kontrollor u desh të ndërhynte pasi dy avionë fluturuan shumë afër njëri-tjetrit pas shpërthimit. Të tre avionët mbanin gjithsej 450 persona në bord dhe për fat të mirë arritën të uleshin në mënyrë të sigurt pasi shpallën emergjenca dhe udhëtuan nëpër një zonë të përkohshme ndalim-fluturimi, raportoi ËSJ. Pas shpërthimit të raketës, Musk shkroi në X: 'Suksesi është i pasigurt, por argëtimi është i garantuar'. Administrata federale e aviacionit tha ndërkohë se spaceX nuk kishte njoftuar në kohë autoritetet për dështimin. Në Miami, kontrollorët dëgjuan për mbeturinat në qiell nga shpërthimi vetëm nga pilotët që duhej të fluturonin mes tyre. Një tjetër anije e SpaceX shpërtheu përsëri në mars duke rritur alarmin. Lëshimi i fundit i suksesshëm i SpaceX ndodhi në tetor në provën e pestë të fluturimit. I gjashti, i cili u pa nga Presidenti i zgjedhur Trump në nëntor, bëri një ulje të kontrolluar në gjirin e Meksikos.