Pas ankesës së bërë nga një I huaj se ishte sulmuar nga pesë persona, Policia thotë se për rastin ka proceduar penalisht dy 17-vjeçarë. Ata janë proceduar në gjendje të lirë për veprën penale “Dëmtime të tjera me dashje”, për shkak edhe të moshës. Ngjarja sipas policisë ka ndodhur në datën 14 gusht rreth orës 22:00, ndërsa shtetasi austriak me kombësi rumune u paraqit pranë komisaraiatit për të denocuar dhunën që ishte ushtruar ndaj tij nga 5 persona. Për këtë rast ai iu drejtua këtë të hënë Top Channel, ku kërkoi ndihmë duke theksuar se u sulmua nga pesë persona me shkopa bejsbolli dhe se ndihej I kërcënuar. ndërkohë dëmtimet e tij në trup kanë qenë të shumta. për këtë ai referoi pranë redaksisë së Top Channel edhe foto nga dëmtimet. Pas këtij denoncimi erdhi dhe menjëherë reagimi I policisë që saktëson se po vijon punën për identifikimin edhe të personave të tjerë të përfshirë në këtë rast, edhe pse kanë kaluar ditë që nga sulmi I ndodhur ndaj shtetasit të huaj.