Arbitri nga Somalia Omar Artan që ishte përcaktuar për të gjykuar ndeshjet e Botërorit, por që iu mohua hyrja në SHBA u kthye në Mogadisho ku u prit nga shumë tifozë dhe funksionarë. I shpallur si arbitri më i mirë afrikan në vitin 2025, Artan do të ishte arbitri i parë somalez që do të vendoste drejtësi në një ndeshje të Kupës së Botës, por me të mbërritur në Miami, u dëbua për probleme me verifikimin. Më pas FIFA e përjashtoi edhe nga lista e arbitrave të turneut. ‘Ju premtoj, se nëse Zoti do, që do të marr pjesë në edicionin e ardhshëm të Kupës së Botës-tha Artan në aeroportin ndërkombëtare të Aden Adde ku qindra mbështetës u shfaqën duke valëvitur flamurin somalez-dua që publiku të ruajë besimin’ Arbitri u shoqërua nga agjentët e policizë në terminalin e aeroportit ku u prit nga Ministri i Rinisë dhe Sporteve të Somalisë, nga funksionarë të Federatës somaleze të futbollit dhe personalitete të tjera. ‘Është detyrë e të gjithëve të mbrojmë emrin e Somalisë-shtoi Artan-Somalia na përket, në situatë të vështirë apo jo. Ai flamur dhe ajo pasaportë na përkasin’