Opozita e Turqisë punoi të dielën për të mbajtur gjallë ende lëvizjen e protestës së shkaktuar nga arrestimi i kryebashkiakut të Stambollit pas mitingut gjigant të mbajtur. Arrestimi më 19 mars i kryetarit të bashkisë opozitare të Stambollit, Ekrem Imamoglu, me akuza për korrupsion që mbështetësit e tij thonë se janë të rreme, shkaktoi protestat më të rëndësishme antiqeveritare në Turqi në më shumë se një dekadë në një provë të madhe për presidentin Rexhep Tajip Erdogan. Pas më shumë se një jave protestash në rrugë gjatë natës, Partia Popullore Republikane (CHP) të shtunën mobilizoi qindra mijëra njerëz për një tubim gjigant në Stamboll duke bërë thirrje për lirimin e Imamoglu, i parë si kandidati me shanset më të mira për të mposhtur Erdoganin në kutinë e votimit pas gati një çerek shekulli në pushtet. Me hyrjen e Turqisë në disa ditë pushime publike që shënojnë fundin e muajit të agjërimit mysliman të Ramazanit, opozita është zotuar të vazhdojë lëvizjen e protestës, ndërkohë që do të ndryshojë taktikat në ngjarje më të fokusuara."Ata që mendojnë se nuk do ta festojmë dot festën, e kanë shumë gabim! Sepse patjetër do të gjejmë mënyrën për të qenë bashkë!" shkroi Imamoglu tnë një mesazh nga burgu të transmetuar përmes avokatëve të tij në X.