Turqia goditi platformat sociale, Twitter, Pinterest dhe Periscope me ndalesa reklamimi, me arsyetimin se kanë dështuar të ndjekin hapat e Facebook-ut për caktimin e një të dërguari lokal, I cili të angazhohetme fshirjen e postimeve të diskutueshme, bazuar në një ligj të ri të diskutueshëm. Mbrojtësit e të drejtave të njeriut i konsiderojnë rregullat e fundit si pjesë të përpjekjeve të presidentit Recep Tayyip Erdogan për të kontrolluar mediat dhe për të shtypur kundërshtarët. Mosrepektimi i këtij ligji mund të rrezikojë të ardhmen e Twitterit në Turqi, vend të cilin kjo platformë sociale e konsideron në mesin e tri shteteve kryesore në botë – bashkë me Kinën dhe Rusinë – që kërkon heqjen e postimeve. Rregullat e reja u kërkojnë rrjeteve sociale me më shumë se 1 milion përdorues brenda ditës, që të emërojnë person të caktuar për të fshirë përmbajtjen ofenduese brenda 48 orëve. Zëvendës-ministri i Infrastrukturës në Turqi, Fatih Sayan, deklaroi se kompanitë që reklamojnë në këto tre platforma, do të gjobiten. Ankaraja “është e vendosur të bëjë gjithçka për të mbrojtur të dhënat, privatësinë dhe të drejtat e njerëzve tanë. “Ne nuk do të lejojmë kurrë fashizmin digjital dhe shkeljen e ligjit që të dominojë Turqinë”, deklaroi ai.