Mbi 2 mijë trupa ushtarake, të udhëhequra nga Rusia, nisën tërheqjen nga Kazakistani, tha moska të enjten, pasi u dislokuan në vend kur protestat mbi rritjen e cmimit të energjisë u shndërruan në dhunë të paprecedenttë që mori edhe dhjetëra jetë njerëzish. Vendimi për të dislokuar paqeruajtës ishte i pari për traktatin e sigurisë së përbashkët të udhëhequr nga Moska, CSTO, që rusia shpesh e quan edhe ekuivalenten e NATO-s. Ministria ruse e mbrojtjes tha se forcat paqeruajtëse po fillojnë të përgatisin pajisjet dhe materialet për tu ngjitur në avionët ushtarakë të transportit që do ti kthejnë në bazat e tyre të përhershme. Presidenti kazak, Kassym Xhomart Tokajev, i ka konsideruar përleshjet që shpërthyen në vend përpjekje për një grusht shteti të ndihmuara nga terroristë të brendshëm dhe të huaj. Homologu rus, Vladimir Putin, kërcënoi në anën tjetër se nuk do të lejoheshin revolucione në ish vendet sovjetike dhe fajësoi përzierjen e huaj po ashtu. Tokajev tha se tërheqja me faza e trupave të huaja nuk do të marrë më shumë se 10 ditë. Ka patur ndërkohë shqetësime se Moska mund të shfrytëzonte misionin për të vendosur ndikimin e saj të plotë në kazakistan. Më herët sekretari amerikan i shtetit, Antoni Blinken, paralajmëroi se pasi rusët të hyjnë në shtëpi, është e vështirë ti nxjerrësh jashtë ata.