Presidenti amerikan DonaldTrump akuzoi Kombet e Bashkuara për financimin e krizës së migracionit. Gjatë fjalimit të mbajtur në Asamblenë e Përgjithshme. ai tha se ky fenomen vijon të mbetet i pakontrolluar. "Jo vetëm që OKB-ja nuk po i zgjidh problemet që duhet, por shumë shpesh po krijon probleme të reja për ne që t'i zgjidhim. Shembulli më i mirë është çështja politike numër një e kohës sonë: kriza e migracionit të pakontrolluar. Vendet tuaja po shkatërrohen. Kombet e Bashkuara po financojnë një sulm ndaj vendeve perëndimore dhe kufijve të tyre", nënvizoi Trump I cili shtoi më tej se ndihma e OKB-së për migrantët i ndihmoi njerëzit të hynin ilegalisht në SHBA. "Dhe pastaj ne duhet t'i nxjerrim ata jashtë. OKB-ja gjithashtu siguroi ushqim, strehim, transport dhe karta debiti për të huajt e paligjshëm", fajsësoi OKB-nëTrump. kreu I Shtëpisë së Bardhëtha se OKB-ja supozohet të mbrojë vendet nga "pushtimet" dhe "jo t'i krijojë ato dhe jo t'i financojë"."Në Shtetet e Bashkuara, ne e hedhim poshtë idenë se një numri masiv njerëzish nga vende të huaja mund të lejohen të udhëtojnë në gjysmën e botës, të shkelin kufijtë tanë, të shkelin sovranitetin tonë, të shkaktojnë krim të pazbutur dhe të shterojnë rrjetën tonë të sigurisë sociale", tha ai.