Presidenti amerikan, Donald Trump deklaroi se nuk do të marrë pjesë ne inaugurimin e presidentit të zgjedhur, Joe Biden, më 20 janar. Trump e konfirmoi këtë përmes një postimi në rrjetin social Tëitter, që riktheu aksesin e tij në llogari pas kalimit të 12 orëve nga trazirat në kongres. “Të gjithë atyre që më kanë pyetur, u them se nuk do të shkoj në ceremoninë e inaugurimit më 20 janar”, shkroi ai. Trump po përballet me thirrje për një hetim të dytë ndaj tij dhe largim të menjëhershëm nga detyra pas dhunës që mbështetësit e tij derdhën mbi kongres. Zyrtarë të lartë demokratë, do të diskutojnë për mundësinë e një impeachment-i të dytë për donald trump, duke argumentuar se ai nxiti mbështetësit e tij për të sulmuar ndërtesën e kongresit, ku humbën jetën pesë persona. Demokratët thonë se nëse zëvendëspresidenti mike Pence, nuk evokon amendamentin e 25 të kushtetutës për t’ia marrë kompetencat presidentit, ata do të vazhdojnë me impeachmentin. Pas thirrjeve për largim nga zyra, trump dënoi dhunën, bëri thirrje për pajtim dhe premtoi tranzicion paqësor të pushtetit.