Lufta tregtare mes shba dhe Kanadasë është intensifikuar akoma dhe më shumë. Presidenti Donald Trump dyfishoi këtë të martë tarifën për të gjitha produktet e çelikut dhe aluminit që hyjnë në Shtetet e Bashkuara nga Kanadaja, duke e çuar totalin në 50%. Taksa erdhi si kundërpërgjigje ndaj Ontarios, që vendosi një tarifë 25% për energjinë elektrike që eksportohet në SHBA."Kanadaja duhet të heqë menjëherë tarifën e saj anti-amerikanë për fermerët prej 250 deri në 390%, për produkte të ndryshme amerikane të qumështit, që është konsideruar prej kohësh si skandaloze. Së shpejti do të shpall një emergjencë kombëtare për energjinë elektrike brenda zonës së kërcënuar", shkroi Trump në rrjetet sociale. Ai tha gjithashtu se do të "rrisë ndjeshëm" tarifat për makinat që hyjnë në Shtetet e Bashkuara më 2 prill nëse Kanadaja nuk ul tarifat, që për presidentin amerikan janë skandaloze. Ndëkrohë kryeministri i ri i Kanadasë Mark Carney i konsideroi tarifat e reja amerikane një "sulm" ndaj punëtorëve, familjeve dhe bizneseve kanadeze.