Presidenti Donald Trump i kërkoi Rusisë të dielën të ndalojë sulmet e saj në Ukrainë dhe sugjeroi që Presidenti ukrainas Volodymyr Zelenskiy ishte gati të hiqte dorë nga Krimea si çmim për një marrëveshje paqeje me Rusinë. Duke folur me gazetarët në Neë Jersey, Trump tha se ishte i zhgënjyer që Rusia ka vazhduar të sulmojë Ukrainën dhe tha se takimi i tij kokë më kokë me Zelenskin në Vatikan të shtunën kishte shkuar mirë. I pyetur nëse Zelenski mund të jetë gati të heqë dorë nga Krimea, gadishulli i Detit të Zi i pushtuar nga Rusia në vitin 2014, si pjesë e një marrëveshjeje të ardhshme paqeje me Moskën, Trump tha: "Mendoj se po. Krimea është marrë 12 vjet më parë." Trump më pas fajësoi paraardhësit e tij demokratë, presidentët Barack Obama dhe Presidentin Joe Biden, se kishin lejuar Rusinë të merrte Krimenë "pa qëlluar asnjë plumb". "Pra, mos më flisni mua për Krimenë. Flisni me Obamën dhe Bidenin për Krimenë. Dhe mos harroni, kjo është lufta e Bidenit. Kjo nuk është lufta e Trumpit. Unë erdha për të provuar të zgjidh një problem. Dhe problemi është se kaq shumë njerëz po vriten."