Presidenti amerikan Donald Trump tha se është "e padrejtë" që Irani të mos ketë raketa balistike nëse vendet e tjera në Gjirin Persik i kanë ato, pas nënshkrimit të marrëveshjes së paqes me Teheranin. Presidenti amerikan po ndahet kështu nga qëndrimi i mëparshëm i administratës së tij mbi programin e raketave të Teheranit, duke argumentuar se Iranit duhet t'i lejohet të ruajë kapacitetin e raketave balistike pasi të nënshkruhet memorandumi i paqes në Lindjen e Mesme. Duke folur me gazetarët në Versajë të mërkurën, Trump tha: "Nëse vendet e tjera i kanë ato, është pak e padrejtë që ata të mos kenë disa. Një raketë balistike nuk është e njëjta gjë me një armë bërthamore. Nëse Arabia Saudite dhe Katari, kanë raketa balistike atëherë mendoj se është në rregull që edhe Irani ti ketë". Presidenti tha gjithashtu se forcat amerikane do të qëndrojnë në Gjirin Persik për "një kohë" pas arritjes së një marrëveshjeje paqeje.