Policia në Los Angeles të Kalifornisë, tërhoqi një pilot nga një avion Cesna që ishte përplasur mbi shina pak sekonda para se ai të goditej nga një tren, cka bëri që pjesët e avionit të fluturonin në të gjitha drejtimet. Imazhet dramatike video, të siguruara nga Reuters, tregojnë disa oficerë policie që liruan pilotin nga avioni i rrëzuar, i cili u përplas në tokë menjëherë pas ngritjes në fluturim në Pacoima, sipas mediave lokale. Oficerët dhe piloti ishin vetëm pak metra larg nga shinat kur treni që po kalonte shkatërroi avionin. “Avioni nuk mundi të ngrihej në fluturim dhe përfundoi në shinat e trenit”, tha Luis Jimenez, një 21 vjecar që filmoi videon. “Vetëm pak sekonda para përplasjes fatale policët mundën të lironin pilotin dhe një pjesë avioni thuajse më goditi edhe mua”. Piloti u trajtua në spital për disa carje dhe lëndime dhe është në gjendje të qëndrueshme, thonë mediat lokale ndërkohë asnjë nga pasagjerët e trenit nuk u lëndua. Videot e postuara në Tëitter nga policia e los angelosit tregonin imazhet nga kamerat në trup të policëve që shpëtuan pilotin. Departamenti përgëzoi policët duke thënë se ata kishin treguar heroizëm dhe reagim të shpejtë duke shpëtuar jetën e një piloti që bëri ulje emergjence në shinat e trenit.