Franca dhe britania po kërkojnë të gjejnë një përgjigje për krizën dhe për dekurajimin e emigrantëve që tentojnë të kalojnë detin që i ndan këto dy vende, pasi 27 persona humbën jetën në aksidentin më të rëndë të këtij lloji në ngushticën e La Manshit, deri më sot. Presidenti Emmanuel Macron dhe kryeministri Boris Johnson, kanë këndvështrime të ndryshme se kush duhet fajësuar për tragjedinë. Në një bisedë telefonike mes tyre, mbrëmjen e të mërkurës, Macron nënvizoi përgjegjësinë e përbashkët të të dyja qeverive. Johnson tha se britania kishte vështirësi në bindjen e francezëve për ta luftuar problemin sic duhet. Kryeministri francez, Zhan Kasto, drejtoi një takim krize të enjten në mëngjes ndërsa autoritetet bënë të ditur se një trafikant i pestë, i dyshuar, ishte arrestuar në lidhje me katastrofën. Sekretarja e brendshme e britanisë së madhe, Priti Patel tha se do të zhvillonte bisedime me homologun francez që tha më herët se britania, belgjika dhe gjermania duhet të bënin më shumë për të ndihmuar francën në luftimin e trafikut njerëzor dhe emigracionit të paligjshëm. “Ky është një problem ndërkombëtar”, tha ministri francez.