Njëzet e shtatë nxënës dhe një mësues humbën jetën të enjten pasi çatia e një shkolle u shemb në qytetin e Peshaëarit, në Pakistanin veriperëndimor, bëri të ditur një zyrtar spitalor. Zyrtarë spitalorë konfirmuan shifrat dhe shtuan se mbi 30 persona mbetën të plagosur, ndërsa gjashtë prej tyre besohet se janë në gjendje kritike. Një zëdhënës i shërbimit të shpëtimit tha se nxënësit mbetën të shtypur dhe të bllokuar pasi çatia u shemb. "Kur ekipet e emergjencave mbërritën në vendngjarje, panë se një çati ishte shembur mbi një tjetër, duke shtypur klasën që ndodhej poshtë dhe duke bllokuar fëmijët brenda," tha zëdhënësi. "Ka shqetësime se mund të ketë ende fëmijë të bllokuar nën rrënoja," tha ai, duke shtuar se në vendngjarje u dërguan 16 ambulanca, dy automjete për reagim ndaj fatkeqësive dhe më shumë se 60 pjesëtarë të ekipeve të shpëtimit.