Amado Carrillo Fuentes, ishte një ndër trafikantët më të mëdhenj të kokainës në të gjithë historinë e Meksikës dhe të gjithë botës, para se El Chapo të dilte në skenë si protagonist. Ai njihet ndryshe me nofkën “Zoti i qiejve”, por edhe si njeriu me shumë fytyra. Fuentes vlerësohet se kishte një pasuri prej 25 miliardë dollarë. Në mesin e viteve 1990 ai konsiderohej si një prej trafikantëve më të fuqishëm. Historia e tij tregohet në një prëj serialeve më të famshme në Netflix, Narcos. I lindur në një familje me 11 motra dhe vëllezër, ai ishte nipi i bosit të Kartelit të Guadalaharës, Ernesto Fonseca Carrillo. Ai nisi edhe të merrej me trafikun e drogës dhe ishte përgjegjës për transportin e lëndës narkotike në SHBA. Nofkën “Zoti i Qiejve” e fitoi për shkak se përdorte një flotë të vërtetë me avionë privatë për të transferuar kokainën deri në SHBA. Si një prej personave kryesorë përgjegjës për futjen e lëndëve narkotike në Shtetet e Bashkuara, autoritetet amerikane e futën në listën e personave më të kërkuar, sidomos pas arrestimit të Padronit të drogës në Meksikë, Miguel Angel Felix Gallardo. Për t’i shpëtuar arrestimit, Carrillo bënte shpesh operacione plastike, prej nga edhe mori nofkën njeriu me shumë fytyra. Në një operacion të tillë, më 4 korrik 1997, pas ndërlikimeve ai ndërroi edhe jetë. Por edhe pse vdekja e tij u konfirmua nga autoritetet amerikane dhe meksikane, shumë konspiracionistë thonë që ai nuk vdiq atë ditë. Kjo edhe për faktin që njeriu që kreu operacionin, Jaime Godoy Singh, u gjet i vrarë bashkë me asistenten e tij. Në serialin e Netflix, Carrillo, i cili është protagonist i sezonit të tretë të Narcos, interpretohet nga aktori Jose Maria Yazpik.