Policia helene ka vënë në pranga Kujtim Demirin në Athinë, i dënuar nga autoritetet shqiptare me 15 vite burg, nën akuzën e trafikimit të një fëmijë të mitur. Sipas bashkëpunnimit të Interpol Tirana dhe Interpol, Demiri është vënë në pranga më 20 gusht (2024) dhe është ekstraduar në Shqipëri. Sipas vendimit, shtetasi Kujtim Demiri ka marrë nga Shqipëria në Greqi fëmijën e mitur H.S dhe e ka shfrytëzuar për të lypur në Greqi nën ushtrimin e dhunës. Ky shtetas ishte shpallur në kërkim ndërkombëtar nga Interpol Tirana më datë 06 janar 2018, pasi Gjykata e Shkallës së Parë për Krimet e Rënda e kishte dënuar me 15 vjet burg, për veprën penale “Trafikikimi të miturve”. Sakaq, policia njofton se vazhdon angazhimin me Interpolin për për sjelljen në Shqipëri dhe vendosjen para drejtësisë të personave në kërkim ndërkombëtar.