Të paktën 40 persona kanë humbur jetën pasi tornadot kanë goditur një pjesë të Shteteve të bashkuara të Amerikës. Misuri mbajti peshën kryesore të stuhive të cilat filluan ta godisnin që të premten. Të paktën 12 persona kanë vdekur në këtë shtet. Erërat e fuqishme në Teksas dhe Kansas nxitën stuhi pluhuri që rezultuan në aksidente masive rrugore dhe dhjetëra vdekje. Moti ekstrem, që mbulon një zonë të vendit që është shtëpia e më shumë se 100 milionë njerëzve, shkaktoi gati 150 zjarre vdekjeprurëse në Oklahoma. Vdekje u regjistruan gjithashtu në Arkansas, Alabama dhe Mississippi. Pjesë të Teksasit, Luizianës, Alabama, Arkansas, Tenesi, Misisipi, Xhorxhia, Kentaki dhe Karolina e Veriut ishin nën paralajmërimet për përmbytje. Më shumë se 320,000 njerëz në të gjithë rajonin ishin pa energji elektrike të dielën në mbrëmje. Gjendjet e jashtëzakonshme janë shpallur në Arkansas, Xhorxhia dhe Oklahoma. Në Misuri, Guvernatori Mike Kehoe tha se "shkalla e shkatërrimit në të gjithë shtetin është tronditëse". “Qindra shtëpi, shkolla dhe biznese janë shkatërruar ose dëmtuar rëndë”, shtoi ai në deklaratë.