Nënkryetari i Komisionit Kulturor të Afganistanit ka thënë se grave nuk iu lejohet të luajnë kriket dhe mbase asnjë sport tjetër. Kriketi është një lloj sporti mjaft i popullarizuar në Afganistan. Deklaratën e tij e ka cituar media publike australiane SBS. "Unë mendoj se gratë nuk do të lejohen të luajnë kriket sepse nuk është e nevojshme që gratë të luajnë kriket", ka thënë Ahmadullah Ëasiq, në një intervistë. Sipas tij, ky lloj sporti mund të zbulojë fytyrën dhe trupin e grave prandaj “Islami nuk lejon që gratë të shihen në atë mënyrë”. Në arsyetimin e zyrtarit taleban nënvizohet se tani jemi në epokën e mediave dhe mund të publikohen fotografi dhe video të grave të cilat pastaj njerëzit mund t’i shikojnë. Gratë në Afganistan po përballen me një të ardhme të pasigurt pasi talebanët kanë marrë pushtetin.