E enjta e 11 shtatorit ishte një ditë historike për futbollin shqiptar. Për herë të parë në kryeqytetin shqiptar u mbajt një event i një niveli të lartë sic është mbledhja e Komitetit Ekzekutiv të UEFA, që u parapri nga Festivali i futbollit në shkolla. Presidenti i qeverisë së futbollit evropian Aleksander Ceferin i dërgoi një letër presidentit të FSHF, Armand Duka me anë të së cilës vlerësonte mikpritjen dhe përkushtimin e organizmit më të lartë shqiptar për organizimin e kësaj mbledhjeje. ‘Më lejoni të shpreh falënderimet e mia të përzemërta për mikpritjen e ngrohtë dhe organizimin perfekt gjatë mbledhjes së Komitetit Ekzekutiv të UEFA-s dhe Festivalit të Futbollit në Shkolla këtë javë në Tiranë-shkruan Ceferin në letrën e tij-Ishte një kënaqësi e vërtetë për UEFA-n të bashkëpunonte me Federatën tuaj, jo vetëm për të çuar përpara qëllimet tona të përbashkëta në zhvillimin e futbollit, por edhe për të përjetuar shpirtin e vërtetë të Tiranës”. Ceferin në letrën e tij theksonte gjithashtu se energjia e kryeqytetit shqiptar, mikpritja dhe organizimi i detajuar lanë mbresa të mëdha tek të gjithë pjesëmarrësit dhe se përkushtimi i kreut të FSHF ishte i dukshëm në cdo detaj dhe kështu që ai deshi ta falenderojë për këtë angazhim. Kreu i UEFA vlerësoi më mënyrë të vecsnte përfshirjen e fëmijëve dhe shkollave në Fedstivalin e futbollit duke e cilësuar si dicka shembullore dhe plot gëzim, krenari dhe një dashuri të thellë për lojën dhe se ishte më shumë se një ngjarje; ishte një festë e komunitetit dhe e kulturës.