Prokuroria e Fierit ka përfunduar hetimet dhe ka dërguar për gjykim shtetasit Enea Nebi dhe Klenis Kazazaj, të akuzuar për ngjarjen e ndodhur më 30 korrik 2023, në ambjentet e një lokali. Ngjarja ndodhi rreth orës 04:00 të mëngjesit, kur pas një konflikti verbal banal në ambientet e lokalit, të pandehurit u larguan përkohësisht. Rreth orës 05:30, ata janë kthyer sërish në vendngjarje, ku pas një përplasjeje tjetër me fjalë, Enea Nebi ka qëlluar me armë zjarri nga brenda automjetit të tij drejt shtetasit Orges Buzi, duke e plagosur rëndë. Në momentin e ngjarjes, në automjet ndodhej edhe Klenis Kazazaj, i cili dyshohet se nuk ka kallëzuar krimin. Prokuroria i ka ngritur akuzat ndaj Enea Nebit për veprat penale “Vrasje me dashje e mbetur në tentativë” dhe “Mbajtja pa leje e armëve dhe municioneve”. Ndërsa ndaj Klenis Kazazaj rëndon akuza “Moskallëzim i krimit”.