Të paktën pesë të vdekur e dhjetëra të lënduar është bilanci i një aksidenti tragjik në Teksas të Shteteve të Bashkuara, ku 75 deri në 100 makina janë përplasur me njëta tjetrën në një autostradë. Shkak I episodit të pazakontë mendohet të jetë bërë rruga e mbulur me akull. Shumë drejtues automjetesh mbetën të bllokuar për orë të tëra në makinat e tyre, sqaruan burime të departamentit lokale të zjarrfikesvë. Mësohet se gati 40 persona janë dërguar në spitalet e rajonit. Ekipet e ndihmës së shpejtë që mbërritën të parët në vendngjarje, u përpoqën të nxirrnin nga mjetet e demtuara sa më shumë njerëz që të mundeshin, por në disa raste kjo u dëshmua mjaft e vështirë. Një deklaratë e policisë theksonte gjithshtu se arsyeja e aksidentit të rëndë ka qenë pikërisht moti I keq. Shira të dendur kishin rënë përgjatë gjithë natës, e më tej, ngricat kanë bërë punën e tyre dhe autostrada ishte kthyer praktikisht në një pistë gjigande akulli.