Kina do të taksojë kontraceptivët për herë të parë në më shumë se tre dekada, në një lëvizje që ka si qëllim të rritet shkalla e lindshmërisë në vend. Ilaçet kontraceptive dhe produktet si prezervativët nuk do të përjashtohen më nga taksa e vlerës së shtuar prej 13% në Kinë që nga 1 janari. Lëvizja vjen ndërsa shkalla e lindjeve në vend ka rënë në mënyrë drastike. Në vitin 2024, 9.5 milionë foshnje lindën në Kinë, rreth një e treta më pak se 14.7 milionë të lindur në vitin 2019, sipas Byrosë Kombëtare të Statistikave. Ndërsa vdekjet kanë tejkaluar lindjet në Kinë, India do ta kalojë atë si vendi më i populluar në botë. Por ndryshimi i taksave është shpotitur shumë në mediat sociale kineze me shumë njerëz që bënin shaka, se do të ishin budallenj po të mos e dinin se rritja e një fëmije është më e kushtueshme sesa përdorimi i prezervativëve, edhe nëse tatohen.