Mijëra fermerë evropianë u mblodhën këtë të enjte në Bruksel për të protestuar kundër një marrëveshjeje të planifikuar midis BE-së dhe bllokut tregtar të Amerikës së Jugut Mercosur, si dhe kundër reformës së subvencioneve bujqësore. Rreth 10,000 demonstrues iu bashkuan tubimit duke shkaktuar probleme me trafikun në të gjitha rrugët kryesore të Brukselit. Traktorët e parë filluan të bllokonin rrugët, duke shkaktuar kaos në qendër të qytetit por jo vetëm. Protestat po organizohen nga fermerë nga disa vende të cilët besojnë se marrëveshja me Mercosur-in, e cila përbëhet nga Argjentina, Brazili, Paraguai, Uruguai dhe Venezuela, dhe e cila po diskutohet në samit, mund të çojë në një fluks të produkteve bujqësore më të lira nga Brazili dhe vendet e tjera të Amerikës së Jugut, gjë që do t'i vinte prodhuesit vendas në disavantazh.