Fermerët dhe blegtorët po përshkallëzojnë protestat e tyre në Greqi. Ata thonë se janë të gatshëm t'i "mbajnë" bllokadat edhe gjatë festave , duke i bërë thirrje qeverisë të rishqyrtojë kërkesat e tyre dhe të plotësojë të paktën pesë nga ato që ata i konsiderojnë si "vija të kuqe". Në takimin që zhvilluan këtë të enjte në Serres, fermerët vendosën që në ditët në vijim të mbyllin dhe akset alternative përgjatë rrugëve kombëtare, me përjashtim të festës së Krishtlindjeve. “Do të ishte mirë që qeveria të mendonte për pasojat e veprimeve të saj dhe të ofronte zgjidhje për t’i dhënë fund këtij mobilizimi”, thanë fermerët. Ata kërkojnë përmbushjen e pesë kërkesave të tyre, të cilat përbëjnë një vijë të kuqe për hyrjen në dialog me qeverinë. Konkretisht, ata kërkojnë: Naftë plotësisht pa taksa; Ulje e çmimit të energjisë për ta; rimbursim më të madh; vaksina kundër bagëtive si dhe një plan pesëvjecar për sektorin e tyre me qëllim mbështetjen.