Si do të ndjeheshit nëse do ta gjenit veten duke ecur në 300 metra lartësi, duke patur poshtë këmbëve vetëm zbrazëtirë? Një atraksion i ri turistik është hapur në Nju Jork këtë javë dhe mund të japë përgjigjen e kësaj pyetjeje. ‘Air’ është një instalacion i artistit Kenzo Digital, që hapet në kullën e re One Vanderbilt, që tani është edhe kulla e katërt më e lartë e mollës së madhe. Një ashensor i tëri prej xhami, përfshirë dyshemenë, i dërgon adhuruesit e aventurës në majën e ndërtesës në Manhattan, deri në lartësinë e 300 metrave, në vetëm 42 sekonda. Atje, ata ecin mbi tre kate me dysheme prej xhami e pasqyrash që ofrojnë pamje spektakolare por kanë edhe si qëllim të shtrembërojnë ndjesitë e njerëzve, duke i bërë ata të mendojnë se po pluskojnë në ajër... eksperienca sfidon perceptimin e hapësirës dhe e zhyt vizitorin në një fabrikë siluetash dhe gradacelash – thotë kenzo, që është i njohur për bashkëpunimet e tij me këngëtaren Beyonce. Është një eksperiencë euforike dhe të dhuron shumë ndjesi – shton ai.