Sanksionet e fundit që Shtetet e Bashkuara i vendosën dy kompanive më të mëdha të nafrtësd ruse duket se kanë dhënë efekrtet e para. Rusia ka bërë një hap pas, duke dërguar negociatorë në Shtetet e Bashkuara me qëllim fundin e luftës në Ukrianë. Po ashtu mbetet e hapur mundësia për një takim mes Trump e Putin. Deklaratën e ka bërë për CNN Kirill Dmitriev, i dërguari special i presidentit rus Vladimir Putin për investime dhe bashkëpunim ekonomik. Ai beson që vendi i tij, Shtetet e Bashkuara dhe Ukraina janë pranë një zgjidhjeje diplomatike për t'i dhënë fund luftës së Rusisë në Ukrainë. Dmitriev ka mbërritur në Uashington për bisedime me zyrtarët amerikanë, ku ndër të tjera la të hapur mundësinë e një takimi midis Donald Trump dhe Vladimir. Të dy udhëheqësit ka të ngjarë të takohen në një datë të mëvonshme. "Sigurisht që takimi është i mundur vetëm nëse interesat e Rusisë merren parasysh dhe trajtohen me respekt", i tha ai Reuters. Sa për sanksionet amerikane, i dërguari i Putin parashikoi efekt të kundërt. "Ato vetëm sa do të çojnë në rritjen e çmimit të benzinës në stacionet amerikane të benzinës", tha ai. Mediat amerikane raportuan se Dmitriev pritet të takohet me të dërguarin special të Trump, Steve Ëitkoff, në Miami, ndërsa agjencia shtetërore ruse e lajmeve TASS citoi Dmitriev të ketë thënë se ai do të takohet edhe me persona të tjerë, emrat e të cilëve nuk i përmendi.