Ish-zv/presidentja amerikane Kamala Harris i tha BBC-së se mund të kandidojë përsëri në garën për Shtëpinë e Bardhë. Në intervistën e saj të parë në Mbretërinë e Bashkuar, Harris tha se "ndoshta" do të bëhet presidente një ditë dhe ishte e bindur se do të ketë një grua në Shtëpinë e Bardhë në të ardhmen. Duke bërë sugjerimin e saj më të fortë deri më tani se do të bëjë një tjetër kandidim presidencial në vitin 2028, pasi humbi ndaj Donald Trump vitin e kaluar, Harris hodhi poshtë sondazhet që e vendosnin atë si një të jashtme për t'u bërë zgjedhja e demokratëve për zgjedhjet e ardhshme. Harris gjithashtu e drejtoi sulmin e saj ndaj ish-rivalit, duke e quajtur Trump një "tiran" dhe tha se paralajmërimet që bëri për të gjatë fushatës kishin rezultuar të sakta. Ndërsa demokratet kërkojnë përgjigje rreth fitores vendimtare të republikanit Donald Trump një vit më parë, pjesa më e madhe e fajit i është drejtuar ish-presidentit Joe Biden për mosdhënien e dorëheqjes më herët. Por janë ngritur edhe pyetje nëse Harris mund të kishte drejtuar një fushatë më të mirë dhe të kishte dhënë një mesazh më të qartë mbi çështjen numër një, ekonominë. Në intervistën për BBC-në, Harris tha se ende nuk kishte marrë një vendim, por nënvizoi se ende e sheh veten me të ardhme në politikë. "Nuk kam mbaruar," tha ajo.