Trupat ruse raportohet se kanë bombarduar një azil të moshuarish në Ukrainë, duke vrarë 56 persona. Një tank hapi zjarr mbi azilin në atë që autoritetet ukrainase e cilësuan një sulm mizor. Incidenti shokues thuhet se ka ndodhur në qytezën e vogël Kreminna, në rajonin separatist pro rus të Luhanskut. Rreth 15 të mbijetuar raportohet se janë rrëmbyer nga trupat ruse dhe janë dërguar në qytetin e afërt Svatove, në territorin që kontrollohet nga trupat besnike ndaj Putinit. Sulmi raportohet se ka ndodhur disa ditë më parë por është raportuar sot pasi autoritetet ukrainase mundën të mbërrinin atje. Nëse është i vërtetë, atëherë ky do të klasifikohej një krim lufte nga forcat ruse. Në një deklaratë, zyrtarët ukrainas thanë se 56 persona ishin vrarë në shtëpinë e kujdesit për të moshuarit pasi pushtuesit kishin qëlluar me tank. Ata që banonin atje, 56 të moshuar, humbën jetën në vend. Të mbijetuarit, 15 persona, u rrëmbyen nga pushtuesit dhe u dërguan në territorin e okupuar Svatove.