Pushuesit në bregdetin verior të Egjiptit do të provojnë një risi automobilistike në këtë sezon veror dhe bëhet fjalë pikërisht për makina sportive, të cilat mund të lëvizin mbi ujë. Plazhet më moderne kanë prezantuar këtë "makinë ujore" në vend të motorve të ujit, për të cilën prodhuesit egjiptianë premtojnë se është shumë më e sigurt. ‘Makina e ujit’ u dizenjua nga Karim Amin, 29 vjeç dhe dy nga miqtë e tij më të ngushtë. Amin tha se ndërsa automjeti duket si një makinë, mekanizmi i brendshëm është saktësisht i njëjtë me një motor uji. Por meqenëse pesha e automjetit është shumë më e madhe, ai është praktikisht i palëkundshëm në ujë, gjë që është një nga pikat kryesore të shitjes të tij.