Disa oficerë rusë janë vrarë në sulmin e parë me raketat britanike Storm Shadoë, pas muajsh të tërë, pretendojnë raportet. Imazhe të ndara në rrjetet sociale tregonin dëmet e shkaktuara në donetsk, mes pretendimeve për viktima të shumta mes oficerëve rusë. Nëse konfirmohet ky do të jetë rasti i parë i përdorimit të raketave që britania e madhe i ka dhënë ukrainës, në muaj të tërë. Autoritetet ruse, pranuan vetëm se një grua kishte vdekur dhe tre persona ishin plagosur. Një ndërtesë u shemb në sulmet e kombinuara me raketa dhe dronë, me zjarrin që u përhap në dyqanet aty pranë, sipas raporteve ruse. Burimet ruse dhe ukrainase zbuluan se raketat e teknologjisë së fundit të Britanisë së madhe, Storm Shadoë ishin përdorur në sulmin e madh. Burime ukrainase thanë se sulmi kishte në shënjestër Institutin e Kërkimeve të Metaleve në Donetsk, një objektiv ushtarak i përdorur nga pushtuesit rusë. Kanali ukrainas Supernova+ tha se sulmi ishte kryer në "selinë e ushtrisë ruse". "Rezultate të qarta të samitit të fundit të NATO-s; raketat lundruese të furnizuara nga Mbretëria e Bashkuar dhe Franca shkatërruan sot selinë e njësisë së 8-të të Kombinuar të ushtrisë në Donetsk dhe një depo të madhe me një terminal nafte në Luhansk. Pati viktima të shumta mes oficerëve rusë në seli”, raportuan gazetarët. Sipas disa raporteve të tjera vendi i goditur ishte një qendër e rëndësishme për zhvillimin e dronëve të luftës.