Presidenti francez Emmanuel Macron ka zhvilluar një bisedë telefonike me homologun e tij rus, Vladimir Putin, ku theksoi nevojën për një armëpushim të menjëhershëm dhe fillimin e negociatave mes Rusisë dhe Ukrainës. Sipas një njoftimi nga Pallati “Élysée”, Macron i ka thënë shefit të Kremlinit “se është jetike që të gjendet një zgjidhje e qëndrueshme dhe afatgjatë për konfliktin që vijon prej më shumë se dy vitesh”. Pas telefonatës me Putinin, Macron kontaktoi edhe Presidentin ukrainas Volodymyr Zelensky për ta informuar mbi përmbajtjen dhe rezultatin e diskutimeve me Kremlinin. Ndërkohë, tensionet në terren vijojnë të përshkallëzohen. Ukraina ka marrë përgjegjësinë për një sulm ndaj një fabrike në qytetin rus të Izhevsk, mbi 1 000 kilometra larg kufirit. Fabrika, sipas autoriteteve, prodhonte sisteme mbrojtëse kundërajrore dhe dronë. Nga shpërthimi u raportuan tre viktima dhe 35 të plagosur.