Kremlini tha të enjten se një bisedë telefonike këtë javë mes zyrtarëve më të lartë të sigurisë të shba-së dhe Rusisë, ishte pjesë e përgatitjeve për bisedime mes presidentëve Vladimir Putin dhe Joe Biden, më i fundit në një seri sinjalesh se Moska është e gatshme për një takim të dytë mes dy liderëve. Sekretari i këshillit rus të sigurisë Nikolai Patrushev dhe këshilltari amerikan për sigurinë kombëtare, Jake Sullivan, diskutuan për sigurinë kibernetike, ukrainën dhe krizën e emigrantëve në kufirin bjellorus në bisedën e tyre telefonike të mërkurën – tha Kremlini. Kjo ishte e gjitha në kuadër të përgatitjeve për kontakt të nivelit më të lartë – tha zëdhënësi i Kremlinit Dimitri Peskov. Në komunikimet e fundit ai ka lënë të kuptohet për mundësinë e një takimi të dytë mes Biden dhe Putin, pas atij të zhvilluar në gjenevë në qershor, edhe pse lista e mosmarrëveshjeve mes Moskës dhe Uashingtonit është zgjatur akoma më shumë. Javën e kaluar, SHBA akuzoi rusinë për sjellje kërcënuese drejt Ukrainës dhe kryerjen e një testi raketor në hapësirë që tha se kishte krijuar mbetje që mund të kërcënonin stacionin hapësinor ndërkombëtar. Rusia në anën tjetër, ka akuzuar Uashingtonin për manovra ushtarake provokuese në detin e zi.