Presidentja tajvaneze Tsai Ing ëen, lëvdoi bashkëpunimin ushtarak me Uashingtonin ndërsa ajo bleu avionët e parë ushtarakë F-16 të gjeneratës më të fundit, që do të rrisin kapacitetet mbrojtëse të ishullit në një kohë tensionesh mes Taipeit dhe Pekinit. Stërvitjet e shpeshta kineze dhe amerikane në rajon kanë rritur edhe frikën e një konflikti në lidhje me Tajvanin demokratik, që pekini e konsideron territor të tijin. Tsai tha në një ceremoni në një bazë ajrore në qytetin tajvanez Chiayi ku ajo prezantoi skuadronin e parë të avionëve më të avancuar F-16s dhe F-16V se projekti ishte dëshmi e angazhimit të palëkundur mes Tajvanit dhe SHBA-së.“Unë besoj se për sa kohë që ne i bindemi vlerave të demokracisë dhe lirisë, do të ketë më shumë vende të logjikshme në të njëjtën vijë fronti me ne”, tha ajo. SHBA nuk ka lidhje zyrtare diplomatike me Tajvanin por është mbështetësja më e madhe ndërkombëtare e ishullit dhe furnizuesja kryesore e armëve për të, cka edhe zemëron Pekinin. F-16 i fundit kushton 2.96 miliardë dollarë dhe është prodhuar nga Lockheed Martin.