Kombëtarja shqiptare do të luajë pasditen e së dielës ndaj Anglisë, një sfidë kjo që nuk mbart asnjë presion mbi asnjë prej skuadrave pasi të dyja e kanë arritur objektivin e tyre. Megjithatë trajneri Sylvinho preferon që të mos e ulë përqendrimin e tij duke vënë në dukje nivelin e skuadrës së Tuchel Djem, ju lutem mos bëni konfuzion, kur flitet për Anglinë, ata janë në Botëror, janë ndër favoritët. Spanja, Brazili, Argjentina, Gjermania, Franca, janë nivel komplet tjetër, mos bëni konfuzion me ne. Ne jemi të lumtur që do të luajmë për herë të parë play-off në mars, por është krejtësisht ndryshe, nesër do të jetë e ndryshme. Kanë një trajner që luan mirë, ka 25-26, por edh 40 lojtarë që luajnë në Premier Ligë dhe në disa nga vende të tjera. Ata kanë luajtur 7 ndeshje, kanë 21 pikë, nuk kanë pësuar asnjë gol, pra flasim për një nga favoritët për Kupën e Botës. Sylvinho iu kthye edhe momentit të kualifikimit në playoff dhe ndeshjes me Andorrën, pa harruar këtu edhe për momentin me Armando Brojën