SUV-I luksoz, I huazuar lojtarit të famshëm amerikane të golifit, Tiger Woods për turneun e sponsorizuar në Kaliforni, ishte praktikisht ajo që I shpëtoi jetën pas aksidentit të tmerrshëm të së martës, thonë mediat e huaja. Woods po ngiste një Hyundai Genesis GV80 kur humbi kontrollin e doli jashtë rruge. Nga përplasja, sportisti milioner ka pësuar thyerje të shumta në këmbë. Sherifi i Los Angeles, Alex Villanueva e quajti “ një mrekulli” faktin që ylli I golfit është gjallë, dhe kjo I atribuohet 10 jastëkëve mbrojtës të ajrir në makinën e drejtuar prej tij, si dhe faktit që kishte vendosur rripin e sigurimit. GV80 me 300 kuaj fuqi dhe një shpejtësi maksimale prej 240 km/orë është e vetmja fuoristradë e prodhuar nga Genesis, një degë pak e njohur e kompanisë koreane prodhuese Hyundai. Ajo ka qese mbrojtese ajri në kabinë, sistem të paralajmërimit të përplasjes e një kamera të brendshme për të paralajmëruar shoferin nëse e zë gjumi në timon. Aq I rëndë ishte aksidenti I Woods, sa ekipet e shpëtimit u detyruan që të përdornin mjete metalprerëse për ta nxjerrë 45 vjecarin nga mjeti I shkatërruar. Autoritetet nuk e kanë zbuluar shkakun e aksidentit, por Los Angeles Times njoftoi se Woods po udhëtonte me një shpejtësi të madhe para se të humbiste kontrollin e makinës që kaloi trafik ndarëset dhe u rrokullis disa herë para se të ndalonte. Woods, I konsideruar si një nga më të mëdhenjtë në historinë e golfit është nga Kalifornia Jugore dhe ka fituar 15 kampionate të rëndësishme golfi të turneut PGA.