Abissnet Superiore e mbylli edicionin futbollistik 2021/2022 me kurorëzimin e Tiranës si kampione e vendit për të 26 herë në histori. Në Selman Stërmasi, Tirana zhvilloi ndeshjen me Kukësin të humbur me rezultatin 2-3, me bardheblutë që e kishin mendjen më shumë te festa e trofeut sesa te 90 minutëshi i futbollit të luajtur. Ishte një ndeshje që i shërbente me shumë Taulant Seferit për titullin e golashënuesit më të mirë, një trofe që do ta ndajë me Guindo të Lacit, të dy me 19 gola të shënuar. Tirana vinte ne këtë përballje me titullin të fituar 3 javë më parë dhe kjo sfidë ishte formale për ta. Por jo të gjithë e shihnin si dicka të tillë. Sfida me Kukësin ishte e fundit për kapitenin Erjon Hoxhallari me fanelën bardheblu, me futbollistin që do të vijojë karrierën në kampionatin rumun.