Luhen sot pasdite ndeshjet e javës së parafundit të Kategorisë Superiore ku në lojë janë si cështja e titullit kampion, ashtu edhe ajo e luftës për mbijetesë. Pasdyshim vëmendja më e madhe do të jetë te sfidat 4 skuadrave të para të klasifikimit partizani, Teuta, laci dhe Vllaznia që janë në betejë shumë të hapur për titullin kampion. Kështu në Air Albania stadium, skuadra kryesuese e Partizanit do të presë Vllazninë, me ekipet që ndahen vetëm 2 pikë nga njëra-tjetra në renditje, një sfidë kjo që është padyshim e ndërthurur edhe me atë që do të luhet në Lac me skuadrës kurbinase dhe Teutës. Një fitore e partizanit i afron akoma më shumë Të Kuqtë me titullin, por edhe Vllaznia do të kërkojë të luajë shanset e saj. vetë trajneri brdaric deklaroi se tashmë skuadra shkodrane e ka fituar kampionatin e saj duke parë sezonin e shkëlqyer që ka bërë kështu që ajo pritet të jetë më e lirshme në lojën e saj se kryeqytetasit. Edhe në kurbin, fitorija është opsioni i vetëm për të dyja skuadrat me Teutën që gjithsesi ka një avantazh ndaj lacit teksa ka 2 pikë më shumë se skuadra e Shpëtim duros. Përsa i përket lzonës së mbijetesës, Apolonia që do të luajë ndaj Tiranës ka rënë nga kategoria dhe Skënderbeu, Kastrioti dhe Bylis po luftojnë që të mos ndjekin skuadrën Fierake në Kategorinë e parë. Skuadra korcare e drejtuar nga Migen memelli ka bërë paraqitje të mira në javët e fundit dhe për momentin e ka lënë zonës së rënies nga kategoria pasi gjendet në vendin e shtatë. Skënderbeu do të luajë ndaj Kukësit për të siguruar qëndrimin ku do të kërkojë fitoren, por vëmendjen do ta ketë edhe te stadiumi i kamzës ku do të luhet përballja mes Kastriotit dhe Bylis, dy skuadra këto që do të kërkojnë vetëm 3 pikët e kësaj sfide