Autoriteti Bankar Evropian njoftoi se serverët e tij të postës elektronike janë komprometuar pas një sulm kibernetik global. EBA, që është rregullatori kryesor financiar i Bashkimit Europian, tha se ka ndërmarrë masa shtesë të sigurisë, për “rikthimin e funksionalitetit të plotë” të serverëve.“Në këtë fazë, infrastruktura e postës elektronike e EBA-s është siguruar dhe analizat tona sugjerojnë se nuk janë nxjerrë të dhëna. Nuk kemi asnjë tregues për të menduar se sulmi ka shkuar përtej serverëve tanë të postës elektronike”, thuhet ne deklaraten e rregullatorit financiar të BE-së. EBA, ashtu si shumë biznese dhe qeveri, përdorin serverët e kompanisë amerikane Microsoft Exchange për postën e tyre elektronike. Microsoft, që javën e kaluar, njoftoi për sulmin e madh kibernetik.Firma e teknologjisë tha se beson që pas kësaj goditjej qëndrojnë hakera të sponsorizuar nga shteti kinez, të një grupi të quajtur Hafnium. Kina mohon cdo përfshirje, por situata ka shkaktuar shqetësim edhe në Shtëpinë e Bardhë, ku sekretarja për mediat, Jen Psaki tha se kushdo që punon me serverë të Microsoft Exchange, -qeveri, sektorë privatë, akademi - duhet të veprojë urgjentisht për t`i verifikuar.