Pesë viktimat e sulmit të javës së kaluar në norvegji ishin therur të gjitha me thikë dhe nuk ishin vrarë me hark dhe shigjetë, sic mendohej më parë. kjo u konfirmua nga policia norvegjeze. Katër gra dhe një burrë, të moshës nga 50 deri në 70 vjec, vdiqën në sulmin në qytezën e vogël kongsberg, të mërkurën e kaluar. Sipas të dhënave fillestare, policia mori raporte për një burrë që qëllonte me hark dhe shigjetë drejt njerëzve në një supermarket. Një orë më vonë, një 37 vjecar danez u arrestua për sulmin. Të hënën, policia dha një deklaratë të rifreskuar që detajonte rrjedhën e ngjarjeve në tmerrin që zgjati 35 minuta. “Një oficer policie jo në detyrë u lëndua nga një shigjetë brenda në supermarket. Tani është e ditur se agresori kishte lëshuar disa shigjeta kundrejt disa personave të tjerë. Por më pas, ai ka vijuar sulmin me thikë, duyke i marrë jetën pesë personave gjithsej”, sqaronte deklarata. I arrestuari tani është në një spital psikiatrik pasi ekspertët kanë shprehur shqetësime për gjendjen e tij shëndetësore. Policia konfirmoi se sëmundja mendore duket se është shkaku më i mundshëm i sulmit. 37 vjecari ishte konvertuar në mysliman dhe oficerët më herët e kishin patur atë nën monitorim me dyshime se ai ishte radikalizuar.