Një person ka mbetur i vrarë dhe shtatë të tjerë janë plagosur pas një shpërthimi në Afganistan, që goditi një konvoj të talibanëve.Një zëdhënës i talibanëve bëri me dije se shpërthimi ndodhi në Jalalabad, në kryeqytetin e provincës lindore, Nangarhar, por nuk dha detaje të tjera për ngjarjen. Një burim në spitalin rajonal në Nangarhar tha se një luftëtar taliban është vrarë dhe shtatë të tjerë janë plagosur, përfshirë edhe katër civilë, të cilët janë dërguar në spital.Sulmi u shkaktua nga një bombë e vendosur përgjatë rrugës, e cila shpërtheu teksa konvoji i talibanëve po kalonte në atë zonë. Deri më tani askush nuk e ka marrë përgjegjësinë e sulmit, edhe pse dega lokale e grupit militant Shteti Islamik, shpesh herë ka dalë në media për të pranuar përgjegjësinë për sulme të ngjashme. Talibanët dhe militantët e IS-K janë kundërshtarë me njëri tjetrin pasi situata mes tyre ka qene e tensionuar edhe para se talubanët të merrnin kontrollin e Afganistanit në muajin gusht të këtij viti. Pamjet: AFP