Rusia mbetet një kërcënim I drejtpërdrejtë për Europën u tha ligjvënësve shefi I inteligjencës së Gjermanisë Martin Jaeger, ndërsa theksoi se Moska është e vendosur që të zgjerojë sferën e saj të ndikimit më në perëndim, drejt Evropës dhe se në çdo moment do të ketë një përplasje të nxehtë. “Për të arritur këtë qëllim, Rusia nuk do të hezitojë të përballet drejtpërdrejt ushtarakisht me NATO-n nëse është e nevojshme”, tha Jaeger gjatë një konference me ligjvënësit në Berlin. Pjesë e kësaj konferenved ishin edhe udhëheqësit e shërbimeve të inteligjencës së brendshme dhe ushtarake të Gjermanisë. Fokusi I takimit ishte Rusia edhe pse u diskutua për ekstremizmin politik dhe atë fetar. Jaeger tha se Gjermania është “caku numër një i Rusisë në Evropë”, duke pasur parasysh se është ekonomia më e madhe e BE-së dhe luan një “rol udhëheqës në mbështetjen e Ukrainës”. Paralajmërimet vijnë pas një serie incidentesh në Bashkimin Evropian, përfshirë inkursionin e dronëve rusë në Poloni dhe shkeljen e hapësirës ajrore të Estonisë nga avionë luftarakë rusë. Autoritetet gjermane dyshojnë se Ruysia qëndron dhe pas inkursioneve të ndodhura me dron në aeroportin e Mynihut. Ndërsa po hetojnë gjithashtu edhe fushata të ndryshme sabotimi dhe dezinformimi. “Ne nuk duhet të rrimë duarkryq dhe të supozojmë se një sulm i mundshëm rus do të ndodhë më herët se viti 2029”, tha Jaeger, duke iu referuar një vlerësimi të mëparshëm të inteligjencës gjermane.