E shumëdiskutuar si vendi që doli kundra rrymës duke mos vendosur karantinën ndaj koronavirusit, Suedia ka marrë së fundi disa masa kufizuese, të rralla për këtë vend. Kështu janë ndaluar eventet publike që përfshijnë ndeshjet sportive si dhe grumbullimet e më shumë se tetë personave në një vend. Restorantet dhe baret do të qëndrojnë të hapura, por nga ora 10 e mbrëmjes nuk do të servirin më alkol, e në përgjithësi, do të kenë një kapacitet më të kufizuar. Qytetarët, duket se I mbështesin masa të tilla.