Moti i keq dhe stuhitë kanë pushtuar edhe greqinë fqinje. Drejtuesja e një makine që u rrëmbye nga uji i përmbytjeve në greqinë veriore, u gjet i vdekur të dielën pasi stuhi të rënda goditën pjesë të vendit një ditë më parë, duke shkaktuar probleme të mëdha. Trupi i pajetë i gruas 55 vjecare u gjet afër makinës së saj në fshatin Skotina nga skuadrat e zjarrfikësve. Të shtunën, reshje të dendura shiu në greqinë perëndimore dhe atë veriore bënë që disa lumenj të dilnin nga shtretërit, të përmbysnin fshatra dhe shtëpi, me skuadrat e zjarrfikësve që morën më shumë se 900 telefonata për ndihmë për shkak të pemëve të rrëzuara dhe përmbytjeve. Sistemi i motit që shkaktoi stuhinë, lëvizi gjatë të dielës më në lindje të vendit e si pasojë, ekspertët presin një situatë të ngjashme në të gjithë Greqinë edhe në orët në vijim.